ตํ ปน อนุยุญฺชนฺโต เยน ฌาเนน ฌายโต กิเลสา สพฺพโส ชิตา โหนฺติ, ตํ ลกฺขณูปนิชฺฌานํ อนุยุญฺชาติ ทสฺเสนฺโต "ฌายาหิ ชินาหี"ติ อาห. โยคกฺเขมปเถสุ โกวิโทสีติ จตูหิ โยเคหิ เขมสฺส นิพฺพานสฺส ปถภูเตสุ โพธิปกฺขิยธมฺเมสุ กุสโล เฉโก โหหิ, ๒- ตสฺมา ภาวนํ อุสฺสุกฺกาเปนฺโต อนุตฺตรํ อุตฺตรรหิตํ วิสุทฺธึ นิพฺพานํ อรหตฺตญฺจ ปปฺปุยฺย ปาปุณิตฺวา ปน ๓- ตฺวํ ปรินิพฺพาหิสิ. วารินาว โชตีติ มหตา สลิลวุฏฺฐินิปาเตน อคฺคิขนฺโธ วิย อริยมคฺควุฏฺฐินิปาเตน ปรินิพฺพายิสฺสติ.

ปชฺโชตกโรติ ปชฺโชตึ กโร ปทีโป. ปริตฺตรํโสติ ขุทฺทกจฺจิโก. ๔- วินมฺยเตติ วินมิยติ อปนิยฺยติ. ลตาวาติ วลฺลิ วิย. อิทํ วุตฺตํ โหติ:- ยถา วฏฺฏิอาทิปจฺจย- เวกลฺเลน ปริตฺตรํโส มนฺทปโภ ๕- ปทีโป อปฺปิกา ลตา วา วาเตน วิธมิยฺยติ วิทฺธํสิยฺยติ, เอวํ ตุวมฺปิ. โกสิยโคตฺตตาย อินฺทสโคตฺต อินฺทสมานโคตฺต. มารํ ตสฺส วเส อนาวตฺตนา อนุปาทานโต จ อนาทิยมาโน, นิทฺธุนาหิ วิธเมหิ วิทฺธํเสหิ, เอวํ ปน วิทฺธํสมาโน โส ตฺวํ เวทยิตาสุ สพฺพาสุ เวทนาสุ วิคตจฺฉนฺทราโค

@ม. อพฺพุยฺย ปาปุเณยฺยาสิ, ปาปุณนฺโต ปน ๔ สี. กุณฺฐคฺคิสิโข, อิ. กุณฺฐรํสิโก