ตตฺถ วตจริยาหีติ "เอวํ กตฺวา ปุตฺตํ ลภิสฺสถา"ติ วุตฺตํ สมณพฺราหฺมณานํ วจนํ สุตฺวา ขีรํ ปายิตฺวา อนสนาทิวตจรเณหิ. อายาจนาหีติ เทวตายาจนาหิ สตฺถุอายาจนาย จ, อิทเมว เจตฺถ การณํ, อิตรํ เถโร มาตาปิตูนํ ปฏิปตฺติ- ทสฺสนตฺถญฺเจว กิจฺฉลทฺธภาวทสฺสนตฺถญฺจ วทติ.

เตติ มาตาปิตโร. อุปนามยุนฺติ อุปนาเมสุํ.

สุเขธิโตติ สุขสํวฑฺฒิโต. เตติ ตุยฺหํ. ปริจารกนฺติ กึ การํ.

เหสฺสตฺยาชานิโย อยนฺติ อยํ ทารโก มม สาสเน อาชานีโย ภวิสฺสติ. ตสฺมา ขิปฺปํ อชฺเชว ปพฺพาเชหีติ เอตํ อพฺรวิ อาห.