[๔๙๓] ยสฺมึ นิวตฺตเต ทุกฺขํ สํสารสฺมึ อนนฺตกํ

เภทา อิมสฺส กายสฺส ชีวิตสฺส จ สงฺขยา

อญฺโญ ปุนพฺภโว นตฺถิ สุวิมุตฺโตมฺหิ สพฺพธี"ติ อิมา คาถา อภาสิ.

ตตฺถ เยเนว มคฺเคนาติ เยเนว สปุพฺพภาเคน อริเยน อฏฺฐงฺคิเกน มคฺเคน. คโตติ ปฏิปนฺโน นิพฺพานํ อธิคโต. วิปสฺสีติ วิปสฺสี สมฺมาสมฺพุทฺโธ. กกุสนฺธาติ อวิภตฺติโก นิทฺเทโส. "กกุสนฺธโกณาคมนา"ติปิ ปาโฐ. เตนญฺชเสนาติ เตเนว อญฺชเสน อริยมคฺเคน.