เมธาวิโน เจว พหุสฺสุเต จ

เยสํ หิ ปญฺญาวิภเวน กิจฺจํ

ตรนฺติ นาวาย นทึว ปุณฺณนฺ"ติ อิมา คาถา อภาสิ.

ตตฺถ อนาคตนฺติ น อาคตํ, อวินฺทนฺติ อตฺโถ. ปฏิกจฺจาติ ปุเรตรํเยว. ปสฺสตีติ โอโลเกติ. อตฺถนฺติ กิจฺจํ. ตํ ทฺวยนฺติ หิตาหิตํ. วิทฺเทสิโนติ อมิตฺตา. หิเตสิโนติ มิตฺตา. รนฺธนฺติ ฉิทฺทํ. สเมกฺขมานาติ คเวสนฺตา. อิทํ วุตฺตํ โหติ:- โย ปุคฺคโล อตฺตโน หิตาวหํ อหิตาวหํ ตทุภยญฺจ อตฺถํ กิจฺจํ อนาคตํ อสมฺปตฺตํ