อิทานิ อตฺตโน อธิคตวิเสสํ ทสฺเสตุํ "ปุพฺเพนิวาสํ ชานามี"ติอาทิมาห. กามญฺจายํ เถโร ฉฬภิญฺโญ, ยา ปน อภิญฺญา อาสวกฺขยญาณาธิคมสฺส พหูปการา, ตํ ทสฺสนตฺถํ "ปุพฺเพนิวาสํ ชานามิ, ทิพฺพจกฺขุ วิโสธิตนฺ"ติ วตฺวา "ติสฺโส วิชฺชา อนุปฺปตฺตา"ติ วุตฺตํ. ปุพฺเพนิวาสยถากมฺมุปคอนาคตํสญาณานิ หิ วิปสฺสนาจารสฺส พหูปการานิ, น ตถา อิตรญาณานิ.

สหสฺสกฺขตฺตุนฺติ สหสฺสํ. "สหสฺสวารนฺ"ติ เกจิ วทนฺติ. เอกาวชฺชเนน ๒- ปน เถโร สหสฺเส มโนมเย กาเย นิมฺมินิ, น วาเรน. เต จ โข อญฺญมญฺญมสทิเส ๓- วิวิธญฺจ กมฺมํ กโรนฺเต. กึ ปน สาวกานมฺปิ เอวรูปํ อิทฺธินิมฺมานํ สมฺภวตีติ?

@๓ สี.,อิ. อญฺญมญฺญํ วิสทิสํ น สมฺภวติ สพฺเพสํ, อภินีหารสมฺปตฺติยา ปน อยเมว เถโร เอวมกาสิ, ตถา เหส อิมินา องฺเคน เอตทคฺเค ฐปิโต. ปนฺถโก นิสีทีติ อตฺตานเมว ปรํ วิย วทติ. อมฺพวเนติ อมฺพวเน ชีวเกน กตวิหาเร. เวหาสาทุปสงฺกมินฺติ เวหาสาติ กรเณ นิสฺสกฺกวจนํ, เวหาเสนาติ อตฺโถ, ทกาโร ปทสนฺธิกโร. อถาติ มม นิสชฺชาย ปจฺฉา. ปฏิคฺคหีติ ทกฺขิโณทกํ ปฏิคฺคณฺหิ. อายาโค สพฺพโลกสฺสาติ สพฺพสฺส สเทวกสฺส โลกสฺส อคฺคทกฺขิเณยฺยตาย เทยฺยธมฺมํ อาเนตฺวา ยชิตพฺพฏฺฐาน- ภูโต. อาหุตีนํ ปฏิคฺคโหติ มหาผลภาวกรเณน ทกฺขิณาหุตีนํ ปฏิคฺคณฺหโก. ปฏิคฺคณฺหิตฺถ ทกฺขิณนฺติ ชีวเกน อุปนีตํ ยาคุขชฺชาทิเภทํ ทกฺขิณํ ปฏิคฺคเหสิ.