สีลํ พลํ อปฺปฏิมนฺติ มารเสนปฺปมทฺทเน อสทิสํ พลํ เสนาถาโม จ. อาวุธ- มุตฺตมนฺติ สงฺกิเลสธมฺมานํ เฉทเน อุตฺตมํ ปหรณํ. คุณสรีโรปโสภณฏฺเฐน อาภรณํ. เสฏฺฐนฺติ สพฺพกาลํ อุตฺตมํ ทพฺพญฺจ. สปาณปริตฺตานโต ๕- กวจมพฺภุตํ. "อพฺภิทนฺ"ติ จ ปฐนฺติ, อเภชฺชนฺติ อตฺโถ.

อปายมโหฆาติกฺกมเน สํสารมโหฆาติกฺกมเน จ กิเลเสหิ อสํสีทนฏฺเฐน ๖- เสตุ. มเหสกฺโขติ มหพฺพโล. คนฺโธ อนุตฺตโรติ ปฏิวาตํ สพฺพทิสาสุ วายนโต อนุตฺตโร คนฺโธ สพฺพชนมโนหรตฺตา. เตนาห "เยน วาติ ทิโสทิสนฺติ, เยน สีลคนฺเธน ตํสมงฺคี ทิโสทิสํ สพฺพา ทิสา วายติ. ทิโสทิสาติปิ ปาลิ, ทส ทิสาติ ๗- อตฺโถ.

@ชฏาสุตฺต, (ขุ.เนตฺติ. ๑๐/๑๙๗, ขุ.มิลินฺท. ๑๑/๓๓ (ฉ.ม.)