@ขุ.อป. ๓๒/๒๘๖/๓๖ สารีปุตฺตตฺเถราปทาน

เตสุ อายสฺมา มหาโมคฺคลฺลาโน ปพฺพชิตทิวสโต สตฺตเม ทิวเส มคธรฏฺเฐ กลฺลวาลคาเม สมณธมฺมํ กโรนฺโต ถีนมิทฺเธ โอกฺกนฺเต สตฺถารา สํเวชิโต ถีนมิทฺธํ วิโนเทตฺวา ธาตุกมฺมฏฺฐานํ ๑- สุณนฺโต เอว อุปริมคฺคตฺตยํ อธิคนฺตฺวา สาวกปารมี ญาณสฺส มตฺถกํ ปาปุณิ. อายสฺมา ปน ๒- สาริปุตฺโต ปพฺพชิตทิวสโต อฑฺฒมาสํ อติกฺกมิตฺวา สตฺถารา สทฺธึ ราชคเห สูกรขาตเลเณ วิหรนฺโต อตฺตโน ภาคิเนยฺยสฺส ทีฆนขปริพฺพาชกสฺส เวทนาปริคฺคหสุตฺตนฺเต ๓- เทสิยมาเน เทสนานุสาเรน ญาณํ เปเสตฺวา ปรสฺส วฑฺฒิตํ ภตฺตํ ภุญฺชนฺโต วิย สาวกปารมีญาณสฺส มตฺถกํ ปาปุณิ. อิติ ทฺวินฺนมฺปิ อคฺคสาวกานํ สตฺถุสมีเป เอว สาวกปารมีญาณํ มตฺถกํ ปตฺตํ. เตน วุตฺตํ อปทาเน ๔-:-

"หิมวนฺตสฺส อวิทูเร ลมฺพโก นาม ปพฺพโต