"ยโต ยโต สมฺมติ ขนฺธานํ อุทยพฺพยํ

ลภตี ปี ติปาโมชฺชํ อมตํ ตํ วิชานตนฺ"ติ ๔-.

กมฺมํ พหุกนฺติอาทินา เทฺว คาถา กมฺมารามานํ ๕- ปจฺจยคิทฺธานํ ภิกฺขูนํ โอวาททานวเสน วุตฺตา. ตตฺถ กมฺมํ พหุกํ น การเยติ กมฺมาราโม หุตฺวา พหุํ นาม กมฺมํ น การเย น อธิฏฺฐเห, ขณฺฑผุลฺลปฏิสงฺขรณํ ปน สตฺถารา อนุญฺญาตเมว. ปริวชฺเชยฺย ชนนฺติ อกลฺยาณมิตฺตภูตํ ชนํ วชฺเชยฺย. น อุยฺยเมติ ปจฺจยุปฺปาทนคณพนฺธาทิวเสน วายามํ น กเรยฺย.