[๑๒๘๗] อทฺทส ภควา อาทึ อุปาทานสฺส กปฺปิโย

อจฺจคา ๑- วต กปฺปาโน มจฺจุเธยฺยํ สุทุตฺตรํ.

[๑๒๘๘] ตํ เทวเทวํ วนฺทามิ ปุตฺตํ เต ทฺวิปทุตฺตม

อนุชาตํ มหาวีรํ นาคํ นาคสฺส โอรสนฺ"ติ อิมา คาถา สงฺคีติกาเล เอกชฺฌํ กตฺวา สงฺคหํ อาโรปิตา. ตตฺถ "นิกฺขนฺตํ วต มํ สนฺตนฺ"ติอาทโย ปญฺจ คาถา อายสฺมา วงฺคีโส นโว อจิรปพฺพชิโต หุตฺวา วิหารํ อุปคตา อลงฺกตปฏิยตฺตา สมฺพหุลา อิตฺถิโย ทิสฺวา อุปฺปนฺนราโค ตํ วิโนเทนฺโต อภาสิ.