ตตฺถ นาคํ โอคาหมุตฺติณฺณนฺติ หตฺถินาคํ นทิยํ โอคาหํ กตฺวา โอคยฺห ตโต อุตฺติณฺณํ. "โอคยฺห อุตฺติณฺณนฺ"ติ ๑- วา ปาโฐ. มกาโร ปทสนฺธิกโร. นทีตีรมฺหิ อทฺทสนฺติ จนฺทภาคาย ๒- นทิยา ตีเร อปสฺสึ.

กึ กโรนฺตนฺติ ๓- เจตํ ทสฺเสตุํ วุตฺตํ "ปุริโส"ติอาทิ. ตตฺถ `เทหิ ปาทนฺ'ติ ยาจตีติ "ปาทํ เทหิ "อิติ ปิฏฺฐิอาโรหนตฺถํ ปาทํ ปสาเรตุํ สญฺญํ เทติ, ยถาปริจิตํ หิ สญฺญํ เทนฺโต อิธ ยาจตีติ วุตฺโต.

ทิสฺวา อทนฺตํ ทมิตนฺติ ปกติยา ปุพฺเพ อทนฺตํ อิทานิ หตฺถาจริเยน หตฺถิ- สิกฺขาย ทมิตทมถํ อุปคมิตํ, กีทิสํ ทมิตํ? มนุสฺสานํ วสํ คตํ ยํ ยํ มนุสฺสา