ภิกฺขุนี อุปสมฺปชฺชาติ วสฺเส ปริปุณฺเณ อุปสมฺปชฺชิตฺวา ภิกฺขุนี หุตฺวา. วิมลนฺติ อภิชฺฌาทีหิ ๒- อุปกฺกิเลเสหิ วิมุตฺตตาย วิคตมลํ, สาธูติ สกฺกจฺจํ สมฺมเทว ภาวิตํ, สาธูหิ วา พุทฺธาทีหิ ภาวิตํ อุปฺปาทิตํ ทิพฺพจกฺขุํ วิโสธิตนฺติ สมฺพนฺโธ.

สงฺขาเรติ เตภูมกสงฺขาเร. ปรโตติ อนตฺตโต. เหตุชาเตติ ปจฺจยุปฺปนฺเน. ปโลกิเนติ ปลุชฺชนสภาเว ปภงฺคุเณ ๓- ปญฺญาจกฺขุนา ทิสฺวา. ปหาสึ อาสเว สพฺเพติ อคฺคมคฺเคน อวสิฏฺเฐ สพฺเพปิ อาสเว ปชหึ, เขเปสินฺติ อตฺโถ. เสสํ วุตฺตนยเมว.

สกุลาเถรีคาถาวณฺณนา นิฏฺฐิตา.