เอวํ วนถสฺส อสมุจฺเฉเท อาทีนวํ ทสฺเสตฺวา อิทานิ สมุจฺเฉเท อานิสํสํ ทสฺเสนฺตี "สุขํ หิ วฑฺฒา"ติอาทิมาห. ตสฺสตฺโถ:- ปุตฺตก วฑฺฒ โมเนยฺย- ธมฺมสมนฺนาคเตน มุนโย เอชาสงฺขาตาย ตณฺหาย อภาเวน อเนชา ทสฺสนมคฺเคเนว ปหีนวิจิกิจฺฉตาย ฉินฺนสํสยา สพฺพกิเลสปริฬาหาภาเวน สีติภูตา อุตฺตมสฺส ทมถสฺส อธิคตตฺตา ทมปฺปตฺตา อนาสวา ขีณาสวา สุขํ วิหรนฺติ, น เตสํ เอตรหิ เจโต- ทุกฺขํ อตฺถิ, อายตึ ปน สพฺพมฺปิ ทุกฺขํ น ภวิสฺสเตว.

ยสฺมา เจเตวํ, ๒- ตสฺมา เตหานุจิณฺณํ อิสีหิ ฯเปฯ อนุพฺรูหยาติ เตหิ ขีณาสเวหิ อิสีหิ อนุจิณฺณํ ปฏิปนฺนํ สมถวิปสฺสนามคฺคํ ญาณทสฺสนสฺส อธิคมาย สกลสฺสาปิ วฏฺฏทุกฺขสฺส อนฺตกิริยาย วฑฺฒ ตฺวํ อนุพฺรูหย วฑฺเฒยฺยาสีติ.

ตํ สุตฺวา วฑฺฒตฺเถโร "อทฺธา มม มาตา อรหตฺเต ปติฏฺฐิตา"ติ จินฺเตตฺวา ตมตฺถํ ปเวเทนฺโต:-

[๒๐๗] "วิสารทาว ภณสิ เอตมตฺถํ ชเนตฺติ เม