[๒๓๕] สพฺพตฺถ วิหตา นนฺที ตโมกฺขนฺโธ ปทาลิโต

เอวํ ชานาหิ ปาปิม นิหโต ตฺวมสิ อนฺตกา"ติ อิมา คาถา อภาสิ.

ตตฺถ สตํ สหสฺสานิปิ ธุตฺตกานํ, สมาคตา เอทิสกา ภเวยฺยุนฺติ ยาทิสโก ตฺวํ เอทิสกา เอวรูปา อเนกสตสหสฺสมตฺตาปิ ธุตฺตกา สมาคตา ยทิ ภเวยฺยุํ. โลมํ น อิญฺเช นปิ สมฺปเวเธติ โลมมตฺตมฺปิ น อิญฺเชยฺย น สมฺปเวเธยฺย. กึ เม ตุวํ มาร กริสฺสเสโกติ มาร ตฺวํ เอกโกว มยฺหํ กึ กริสฺสสิ.