ตูลปุณฺณสทิโสปมาติ มุทุสินิทฺธภาเวน สิมฺพลิตูลปุณฺณปลิ ๕- คุณฺฐิตอุปาหน- สทิสา. เต มม ปาทา อิทานิ ผุฏิตา ผลิตา ภิชฺชิตา ๖- วลีมตา วลิมนฺโต ชาตา.

เอทิโสติ เอวรูโป. อหุ อโหสิ ยถาวุตฺตปฺปกาโร. อยํ สมุสฺสโยติ อยํ มม กาโย. ชชฺชโรติ สิถิลาพนฺโธ. พหุทุขานมาลโยติ ชราทิเหตุกานํ พหูนํ ทุกฺขานํ อาลยภูโต. โสปเลปปติโตติ โส อยํ สมุสฺสโย อปเลปปติโต อภิสงฺขาราเลปปริกฺขเยน ปติโต ปาตาภิมุโขติ อตฺโถ. โสปิ อเลปปติโตติ วา ปทวิภาโค, โส เอว อตฺโถ.

@๔ สี. สินิทฺธมฏฺเฏหิ ๕ สี....ตูลปุณฺณปฬิ... ๖ ฉ.ม. อยํ ปาโฐ น ทิสฺสติ ชราฆโรติ ชิณฺณฆรสทิโส. ชราย วา ฆรภูโต อโหสิ. ตสฺมา สจฺจวาทิโน ธมฺมานํ ยถาภูตํ สภาวํ สมฺมเทว ญตฺวา กถนโต อวิตถวาทิโน สมฺมาสมฺพุทฺธสฺส มม สตฺถุ วจนํ อนญฺญถา.