อถ สกฺโก เทวานมินฺโท ตํ ปวตฺตึ ทิพฺเพน จกฺขุนา ทิสฺวา "เอวํ สตฺถารา ปสํสิยมานา อยํ เถรี ยสฺมา เทเวหิ จ ปยิรุปาสิตพฺพา"ติ ตาวเทว ตาวตึเสหิ เทเวหิ สทฺธึ อุปสงฺกมิตฺวา อภิวาเทตฺวา อญฺชลึ ปคฺคยฺห อฏฺฐาสิ. ตํ สนฺธาย สงฺคีติกาเรหิ วุตฺตํ:-

"ตํ สกฺโก เทวสงฺเฆน อุปสงฺกมฺม อิทฺธิยา

นมสฺสติ ภูตปติ สุภํ กมฺมารธีตรนฺ"ติ.

ตตฺถ ตีสุ กามภเวสุ ภูตานํ สตฺตานํ ปติ อิสฺสโรติ กตฺวา ภูตปตีติ ลทฺธนาโม สกฺโก เทวราชา เทวสงฺเฆน สทฺธึ ตํ สุภํ กมฺมารธีตรํ อตฺตโน เทวิทฺธิยา อุปสงฺกมฺม นมสฺสติ, ปญฺจปติฏฺฐิเตน วนฺทตีติ อตฺโถ.