ตถา อปทาเนปิ:-

"อายาจิโต ตทา อาห เอหิ ภทฺเทติ นายโก

ตทาหํ อุปสมฺปนฺนา ปริตฺตํ โตยมทฺทสนฺ"ติ ๓- ตํ กถนฺติ. นยิทํ เอหิภิกฺขุนิภาเวน อุปสมฺปทํ สนฺธาย วุตฺตํ. อุปสมฺปทาย ปน เหตุภาวโต ยา สตฺถุ อาณตฺติ, สา เม อาสูปสมฺปทาติ วุตฺตํ.

ตถา หิ วุตฺตํ อฏฺฐกถายํ "เอหิ ภทฺเท ภิกฺขุนุปสฺสยํ คนฺตฺวา ภิกฺขุนีนํ สนฺติเก ปพฺพชฺช อุปสมฺปชฺชสฺสูติ มํ อโวจ อาณาเปสิ. สา สตฺถุ อาณา มยฺหํ อุปสมฺปทาย การณตฺตา อุปสมฺปทา อโหสี"ติ. เอเตเนว อปทานคาถายปิ อตฺโถ สํวณฺณิโตติ ทฏฺฐพฺโพ.