ภตฺตุ วิมาเน รมิสฺสามิ ทาน'หํ

น ปตฺถเย นิรยํ ทสฺสนายา"ติ อาห.

ตตฺถ อคารินีติ เคหสามินี. "ภริยา สคามินี"ติปิ ปฐนฺติ, ภริยา สหคามินีติ อตฺโถ. สพฺพกุลสฺส อิสฺสรา ภตฺตูติ มม ภตฺตุ นนฺทิยสฺส สพฺพกุฏุมฺพิกสฺส อิสฺสรา สามินี อโหสึ, ตสฺมา อิทานิปิ วิมาเน อิสฺสรา ภวิสฺสามีติ อาห. วิมาเน รมิสฺสามิ ทาน'หนฺติ เอวํ ปโลเภตุเมว หิ ตํ เต ตตฺถ เนสุํ. น ปตฺถเย นิรยํ ทสฺสนายาติ ยํ ปน นิรยํ มํ ตุเมฺห เนตุกามา, ตํ นิรยํ ทสฺสนายปิ น ปตฺถเย, กุโต ปวิสิตุนฺติ วทติ.

เอวํ วทนฺติเมว "ตฺวํ ตํ ปตฺเถหิ วา มา วา, กึ ตว ปตฺถนายา"ติ นิรยสมีปํ เนตฺวา:-