อิติ เทวปุตฺโต อตฺตโน อริยโสตสมาปนฺนภาวํ ปเวเทนฺโต อนุปาทิเสสาย นิพฺพานธาตุยา เทสนาย กูฏํ คเหตฺวา ภควนฺตํ วนฺทิตฺวา ปทกฺขิณํ กตฺวา ภิกฺขุสํฆสฺส อปจิตึ ทสฺเสตฺวา มาตาปิตโร อาปุจฺฉิตฺวา เทวโลกเมว คโต. สตฺถาปิ อุฏฺฐายาสนา คโต สทฺธึ ภิกฺขุสํเฆน, มาณวสฺส ปน มาตาปิตโร พฺราหฺมโณ จ โปกฺขรสาติ สพฺโพ จ มหาชโน ภควนฺตํ อนุคนฺตฺวา นิวตฺติ. ภควา เชตวนํ คนฺตฺวา สนฺนิปติตาย ปริสาย อิมํ วิมานํ วิตฺถารโต กเถสิ, สา เทสนา มหาชนสฺส สาตฺถิกา อโหสีติ.

ฉตฺตมาณวกวิมานวณฺณนา นิฏฺฐิตา.