20. Saṭṭhinipāta

400. 1. Mahāmoggallānattheragāthāvaṇṇanā

saṭṭhinipāte āraññikā pīṇḍapātikāti āyasmato mahāmoggallānattherassa gāthā. Kā uppatti?

tassa vatthu dhammasenāpativatthumhi vuttameva. Thero hi pabbajitadivasato sattame divase magadharaṭṭhe kallavālagāmakaṃ upanissāya samaṇadhammaṃ karonto thīnamiddhe okkante satthārā "moggallāna moggallāna mā brāhmaṇa ariyaṃ tuṇhībhāvaṃ pamādo"ti- ādinā saṃvejito thīnamiddhaṃ vinodetvā bhagavatā vuccamānaṃ dhātukammaṭṭhānaṃ suṇanto eva vipassanaṃ vaḍḍhetvā paṭipāṭiyā uparimaggattayaṃ upagantvā aggaphalakkhaṇe sāvakapāramīñāṇassa matthakaṃ pāpuṇi. Tena vuttaṃ apadāne 3-:-