Evaṃ tāya attanā katakammaphale āyatiṃ nerayikabhaye ca pakāsite so upāsako karuṇāsañcoditamānaso "handassāhaṃ patiṭṭhā bhaveyyan"ti cintetvā āha "devate tvaṃ mayhaṃ ekassa dānavasena sabbakāmasamiddhā uḷārasampattiyuttā jātā, idāni pana imesaṃ upāsakānaṃ dānaṃ datvā satthu ca guṇe anussaritvā nirayūpapattito muccissasī"ti sā petī haṭṭhatuṭṭhā "sādhū"ti vatvā te dibbena annapānena