dānaṃ datvā ca me mātā dakkhiṇaṃ anudicchatu

tadāhaṃ sukhitā hessaṃ sabbakāmasamiddhinī"ti imāhi chahi gāthāhi attanā katakammañceva puna tena attano kātabbaṃ atthañca ācikkhi.

Viciniṃ aḍḍhamāsakanti maccheramalapariyuṭṭhitacittā kassaci kiñci adentī aḍḍhamāsakampi visesena ciniṃ, na sañciniṃ puññaṃ. Tenāha "santesu deyyadhammesu, dīpaṃ nākāsimattano"ti.