Tattha theragāthā tāva nipātato ekakanipāto ekuttaravasena yāva cuddasakanipātāti cuddasakanipāto soḷasakanipāto vīsatinipāto tiṃsanipāto cattāḷīsanipāto paññāsanipāto saṭṭhinipāto sattatinipātoti ime sattanipātā ekavīsatinipātasaṅgahā nipatanaṃ nikkhipananti nipāto. Eko ekeko gāthānaṃ nipāto nikkhepo etthāti ekanipāto. Iminā nayena sesesupi attho veditabbo.

Tattha ekakanipāte dvādasa vaggā. Ekekasmiṃ vagge dasa dasa katvā vīsuttarasataṃ therā, tattikāeva gāthā. Vuttaṃ hi:-

vīsuttarasataṃ therā katakiccā anāsavā

ekakamhi nipātamhi susaṅgītā mahesibhīti.