Pañcarathāsatāti gāthāsukhatthaṃ thakārassa dīghaṃ liṅgavipallāsañca katvā vuttaṃ, vibhattialopo vā daṭṭhabbo, pañca rathasatānīti attho. Anventi taṃ sārathicoditā hayāti sārathīhi coditā viya rathesu yuttā ime hayā bhadde devate taṃ anugacchanti. "sārathiacoditā"ti keci paṭhanti, sārathīhi acoditā eva taṃ anugacchantīti attho. "sārathicoditā hayā"ti ekaṃyeva vā padaṃ gāthāsukhatthaṃ dīghaṃ katvā vuttaṃ, sārathicoditā hayā pañca rathasatāti yojanā.

Evaṃ therena pucchitā sā devatā attānaṃ āvikarontī:-

[139] "kāmaggapattānaṃ yamāhunuttaraṃ