Tattha sādhūti sundaraṃ, bhaddakanti attho. Suvihitāna dassananti suvihitānaṃ dassanaṃ. Gāthāsukhatthaṃ anusvāralopo kato. Sīlādiguṇehi susaṃvihitattabhāvānaṃ parānuddayāya suṭṭhu vihitadhammadesanānaṃ ariyānaṃ dassanaṃ sādhūti yojanā. "dassanan"ti nidassanamattaṃ daṭṭhabbaṃ savanādīnampi bahukārattā. Vuttaṃ hetaṃ bhagavatā:-

"ye te bhikkhū sīlasampannā samādhisampannā paññāsampannā vimuttisampannā vimuttiñāṇadassanasampannā ovādakā viññāpakā sandassakā samādapakā samuttejakā sampahaṃsakā alaṃsamakkhātāro saddhammassa,

Dassanampāhaṃ bhikkhave tesaṃ bhikkhūnaṃ bahūpakāraṃ vadāmi, savanaṃ. Upasaṅkamanaṃ.