Tattha andhoti cakkhuvikalo. Hatanettoti vinaṭṭhacakkhuko, tena "payogavipatti- vasenāhaṃ upahatanettatāya andho, na jaccandhabhāvenā"ti yathāvuttaṃ andhabhāvaṃ viseseti. Athavā "andho"ti idaṃ "andhe jiṇṇe mātāpitaro posetī"tiādīsu viya maṃsacakkhu- vekalladīpanaṃ, "sabbepime paribbājakā andhā acakkhukā" "andho ekacakkhu dvi- cakkhū"tiādīsu viya na paññācakkhuvekalladīpananti dassetuṃ "hatanettosmī"ti vuttaṃ, tena mukhyameva andhabhāvaṃ dasseti. Kantāraddhānapakkhandoti kantāre vivane dīghamaggaṃ anupaviṭṭho, na jātikantārādigahanaṃ saṃsāraddhānaṃ paṭipannoti adhippāyo. Tādisaṃ hi kantāraddhānaṃ ayaṃ thero samatikkamitvā ṭhito, sayamānopīti sayantopi,

@ ghaṭikārasutta 5 khu.udāna. 25/55/189 paṭhamanānātitthiyasutta [thokaṃ visadisaṃ]

@6 aṅ.tika. 20/29/123 andhasutta 7 Ma. andhohaṃ hatanettosmīti