Chaḷabhiñño pana hutvā bhikkhū ovadati anusāsati bahū ca satte dhammaṃ

@3 i. sāṭimattika.... 4 khu.apa. 32/43/408 sumanatālavaṇṭiyattherāpadāna

@5 cha.Ma. mahārahaṃ 6 cha.Ma. catunnavutito Kathetvā saraṇesu ca sīlesu ca patiṭṭhāpesi. Aññatarañca kulaṃ assaddhaṃ appasannaṃ saddhaṃ pasannaṃ akāsi. Tena tasmiṃ kule manussā there abhippasannā ahesuṃ. Tatthekā dārikā abhirūpā dassanīyā theraṃ piṇḍāya paviṭṭhaṃ sakkaccaṃ bhojanena parivisati. Athekadivasaṃ māro "evaṃ imassa ayaso vaḍḍhissati, appatiṭṭho bhavissatī"ti cintetvā therassa rūpena gantvā taṃ dārikaṃ hatthe aggahesi. Dārikā "nāyaṃ manussasamphasso"ti ca aññāsi, hatthañca muñcāpesi. Taṃ disvā gharajano there appasādaṃ janesi. Punadivase thero taṃ kāraṇaṃ anāvajjento taṃ gharaṃ agamāsi. Tattha manussā anādaraṃ akaṃsu. Thero taṃ kāraṇaṃ āvajjento mārassa kiriyaṃ disvā "tassa gīvāyaṃ kukkurakuṇapaṃ paṭimuñcatū"ti adhiṭṭhahitvā tassa mocanatthaṃ upagatena mārena atītadivase katakiriyaṃ kathāpetvā taṃ tajjetvā vissajjesi. Taṃ disvā gharasāmiko "khamatha bhante accayan"ti khamāpetvā "ajjatagge ahameva bhante tumhe upaṭṭhahāmī"ti āha. Thero tassa dhammaṃ kathento:-