vuyhamāno mahoghena buddhaṃ saraṇamāgamaṃ.

[286] Saraṇagamanaṃ passa passa dhammasudhammataṃ

tisso vijjā anuppattā kataṃ buddhassa sāsanan"ti imā catasso gāthā abhāsi.

Tattha pañcapaññāsa vassāni, rajojallamadhārayinti naggapabbajjūpagamanena nhāna- paṭikkhepato pañcādhikāni paññāsavassāni sarīre laggaṃ āgantukareṇusaṅkhātaṃ rajo, sarīramalasaṅkhātaṃ jallañca kāyena dhāresiṃ. Bhuñjanto māsikaṃ bhattanti rattiyaṃ gūthaṃ khādanto lokavañcanatthaṃ māsopavāsiko nāma hutvā puññatthikehi dinnaṃ bhojanaṃ māse māse ekavāraṃ jivhagge ṭhapanavasena bhuñjanto. Alocayinti tādisacchārikā- pakkhepena sithilamūlaṃ kesamassuṃ aṅgulīhi luñcāpesiṃ.