Umāpupphena samānāti mecakanibhatāya umākusumasadisā. Gaganāvabbhachāditāti tato eva saradassa gaganaabbhā viya kāḷameghasañchāditā, nīlavaṇṇāti attho.

Anākiṇṇāti asaṅkiṇṇā asambādhā. Pañcaṅgikenāti ātatādīhi pañcahi aṅgehi yuttena turiyena parivāriyamānassa tādisīpi na hoti, yathā yādisī ekagga- cittassa samāhitacittassa sammadeva rūpārūpadhammaṃ aniccādivasena vipassantassa rati hoti. Tenāha bhagavā:-

"yato yato sammati khandhānaṃ udayabbayaṃ

labhatī pī tipāmojjaṃ amataṃ taṃ vijānatan"ti 4-.