Arahā pana hutvā thero satthu santikaṃ gacchanto cakkhupathato paṭṭhāya candena, suriyena, ākāsena, mahāsamuddena, sinerunā pabbatarājena, sīhena migaraññā, hatthināgenāti tena tena saddhiṃ upamento anekehi padasatehi satthāraṃ vaṇṇentova upagacchati, tena taṃ satthā saṃghamajjhe nisinno paṭibhāṇavantānaṃ aggaṭṭhāne ṭhapesi. Atha therena arahattappattito pubbe ca pacchā ca taṃ taṃ cittaṃ āgamma bhāsitā, theraṃ uddissa ānandattherādīhi bhāsitā:-

[1218] "nikkhantaṃ vata maṃ santaṃ agārasmā anagāriyaṃ

vitakkā upadhāvanti pagabbhā kaṇhato ime.