[91] Sabbe bhavā samucchinnā icchā ca patthanāpi ca

sabbayogavisaṃyuttā santiṃ pāpuṇi cetaso"ti imā pañca gāthā abhāsi.

Tattha aggiṃ candañca sūriyañca, devatā ca namassihanti aggippamukhā devāti indādīnaṃ devānaṃ ārādhanatthaṃ āhutiṃ paggahetvā aggiñca māse māse sukka- pakkhassa dutiyāya candañca divase divase sāyaṃ pātaṃ sūriyañca aññā ca bāhirā hiraññagabbhādayo devatāpi visuddhimaggaṃ gavesantī namassihaṃ namakāraṃ akāsiṃ. Nadītitthāni gantvāna, udakaṃ oruhāmihanti gaṅgādīnaṃ nadīnaṃ supatiṭṭhāni pūjātitthāni upagantvā sāyaṃ pātaṃ udakaṃ otarāmi udake nimmujjitvā aṅgasiñcanaṃ karomi.