[๓๖๙] |๓๖๙.๕๑๘| ๑ ยถา ทุกฺขํ ชรามรณนฺติ ปณฺฑิโต อวิทฺทสู ยตฺถ สิตา ปุถุชฺชนา ทุกฺขํ ปริญฺญาย สโตว ฌายติ ตโต รตึ ปรมตรํ น วินฺทติ ฯ |๓๖๙.๕๑๙| ยทา ทุกฺขสฺสาวหนึ วิสตฺติกํ ปปญฺจสงฺฆาฏทุกฺขาธิวาหนึ ตณฺหํ ปหตฺวาน สโตว ฌายติ ตโต รตึ ปรมตรํ น วินฺทติ ฯ |๓๖๙.๕๒๐| ยทา สิวํ เทฺวจตุรงฺคคามินํ @เชิงอรรถ: ๑ ม. วิวสาเน ฯ ๒ ยุ. เอเต ฯ มคฺคุตฺตมํ สพฺพกิเลสโสธนํ ปญฺญาย ผุสิตฺวา ๑- สโตว ฌายติ ตโต รตึ ปรมตรํ น วินฺทติ ฯ |๓๖๙.๕๒๑| ยทา อโสกํ วิรชํ อสงฺขตํ สนฺตํ ปทํ สพฺพกิเลสโสธนํ ภาเวติ สญฺโญชนพนฺธนจฺฉิทํ ตโต รตึ ปรมตรํ น วินฺทติ ฯ |๓๖๙.๕๒๒| ยทา นเภ คชฺชติ เมฆทุนฺทุภิ ธารากุลา วิหงฺคปเถ สมนฺตโต ภิกฺขุ จ ปพฺภารคโตว ฌายติ ตโต รตึ ปรมตรํ น วินฺทติ ฯ |๓๖๙.๕๒๓| ยทา นทีนํ กุสุมากุลานํ วิจิตฺตวาเนยฺยวฏํสกานํ ตีเร นิสินฺโน สุมโนว ฌายติ ตโต รตึ ปรมตรํ น วินฺทติ ฯ |๓๖๙.๕๒๔| ยทา นิสีเว ๒- รหิตมฺหิ กานเน เทเว คฬนฺตมฺหิ นทนฺติ ทาฐิโน ภิกฺขุ จ ปพฺภารคโตว ฌายติ ตโต รตึ ปรมตรํ น วินฺทติ ฯ @เชิงอรรถ: ๑ ม. ยุ. ปสฺสิตฺวา ฯ ๒ ยุ. นิสีเถ ฯ |๓๖๙.๕๒๕| ยทา วิตกฺเก อุปรุนฺธิยตฺตโน นคนฺตเร นควิวรํ สมสฺสิโต วีตทฺทโร วิคตขิโลว ๑- ฌายติ ตโต รตึ ปรมตรํ น วินฺทติ ฯ |๓๖๙.๕๒๖| ยทา สุขี มลขิลโสกนาสโน นิรคฺคโล นิพฺพนโถ วิสลฺโล สพฺพาสเว พฺยนฺติกโตว ฌายติ ตโต รตึ ปรมตรํ น วินฺทตีติ ฯ ภูโต เถโร ฯ อุทฺทานํ ภูโต ตถทฺทโส เถโร เอโก ขคฺควิสาณวา นวกมฺหิ นิปาตมฺหิ คาถาโยปิ อิมา นวาติ ฯ นวกนิปาโต นิฏฺฐิโต ฯ --------------