[๔๔๙] |๔๔๙.๑๑๗| ๑๑ มุสลานิ คเหตฺวาน ธญฺญํ โกฏฺเฏนฺติ มาณวา ปุตฺตทารานิ โปเสนฺตา ธนํ วินฺทนฺติ มาณวา ฯ |๔๔๙.๑๑๘| กโรถ พุทฺธสาสนํ ยํ กตฺวา นานุตปฺปติ ขิปฺปํ ปาทานิ โธวิตฺวา เอกมนฺเต นิสีทถ เจโตสมถมนุยุตฺตา กโรถ พุทฺธสาสนํ ฯ |๔๔๙.๑๑๙| ตสฺสา ตา วจนํ สุตฺวา ปฏาจาราย สาสนํ ปาเท ปกฺขาลยิตฺวาน เอกมนฺตํ อุปาวิสุํ เจโตสมถมนุยุตฺตา อกํสุ พุทฺธสาสนํ ฯ |๔๔๙.๑๒๐| รตฺติยา ปุริเม ยาเม ปุพฺพชาติมนุสฺสรุํ รตฺติยา มชฺฌิเม ยาเม ทิพฺพจกฺขุํ วิโสธยุํ รตฺติยา ปจฺฉิเม ยาเม ตโมกฺขนฺธํ ปทาลยุํ ฯ |๔๔๙.๑๒๑| อุฏฺฐาย ปาเท วนฺทึสุ กตา เต อนุสาสนี @เชิงอรรถ: ๑ ยุ. สมาเธมิ ฯ ๒ ม. ยุ. อสฺสํ ภทฺรํวชานิยํ ฯ ๓ ยุ. ปทีปสฺเสว ฯ อินฺทํว เทวา ติทสา สงฺคาเม อปราชิตํ ปุรกฺขิตฺวา วิหริสฺสาม ๑- เตวิชฺชมฺหา อนาสวา ฯ อิตฺถํ สุทํ ตึสมตฺตา เถรี ภิกฺขุนิโย ปฏาจาราย สนฺติเก อญฺญํ พฺยากรึสุ ฯ