[๓๓๘] |๓๓๘.๓๓๐| ๔ ยํ ปตฺถยมาโน ๑- ธมฺเมสุ อุปชฺฌาโย อนุคฺคหิ อมตํ อภิกงฺขนฺตํ กตํ กตฺตพฺพกํ มยา ฯ |๓๓๘.๓๓๑| อนุปฺปตฺโต สจฺฉิกโต สยํ ธมฺโม อนีติโห วิสุทฺธญาโณ ๒- นิกฺกงฺโข พฺยากโรมิ ตวนฺติเก ฯ |๓๓๘.๓๓๒| ปุพฺเพนิวาสํ ชานามิ ทิพฺพจกฺขุํ วิโสธิตํ สทตฺโถ เม อนุปฺปตฺโต กตํ พุทฺธสฺส สาสนํ ฯ |๓๓๘.๓๓๓| อปฺปมตฺตสฺส เม สิกฺขา สุสฺสุตา ตว สาสเน สพฺเพ เม อาสวา ขีณา นตฺถิทานิ ปุนพฺภโว ฯ |๓๓๘.๓๓๔| อนุสาสิ มํ อริยวตา อนุกมฺปี อนุคฺคหิ อโมโฆ ตุมฺหโมวาโท ๓- อนฺเตวาสิมฺหิ สิกฺขิโตติ ฯ สุมโน เถโร ฯ