TIPITAKA Volume 26 : PALI ROMAN Sutta Pitaka Vol 18 : Sutta. Khu. vimāna-petavatthu thera-therīgāthā

[341] |341.345| 7 Pāto majjhantikaṃ sāyaṃ tikkhattuṃ divasassahaṃ otariṃ udakaṃ sohaṃ 2- gayāya gayaphagguyā. @Footnote: 1 Ma. Yu. vidālitā . 2 Yu. sotaṃ. |341.346| Yaṃ mayā pakataṃ pāpaṃ pubbe aññāsu jātisu tandānīdha pavāhemi evaṃdiṭṭhi pure ahu 1- . |341.347| Sutvā subhāsitaṃ vācaṃ dhammatthasahitaṃ padaṃ tathaṃ yāthāvataṃ 2- atthaṃ yoniso paccavekkhisaṃ. |341.348| Ninhātasabbapāpomhi nimmalo payato suci suddho buddhassa 3- dāyādo putto buddhassa oraso. |341.349| Ogayhaṭṭhaṅgikaṃ sotaṃ sabbaṃ pāpaṃ pavāhayiṃ tisso vijjā ajjhagamiṃ kataṃ buddhassa sāsananti. Gayākassapo thero.