TIPITAKA Volume 26 : PALI ROMAN Sutta Pitaka Vol 18 : Sutta. Khu. vimāna-petavatthu thera-therīgāthā

[342] |342.350| 8 Vātarogābhinīto tvaṃ viharaṃ kānane vane paviṭṭhagocare 4- lūkhe kathaṃ bhikkhu karissasi. |342.351| Pītisukhena vipulena pharamāno samussayaṃ lūkhampi abhisambhonto viharissāmi kānane. |342.352| Bhāvento satipaṭṭhāne indriyāni balāni ca bojjhaṅgāni ca bhāvento viharissāmi kānane. |342.353| Āraddhaviriye pahitatte niccaṃ daḷhaparakkame samagge sahite disvā viharissāmi kānane. |342.354| Anussaranto sambuddhaṃ attadandaṃ 5- samāhitaṃ @Footnote: 1 Ma. Yu. ahuṃ . 2 Ma. yāthāvakaṃ. Yu. yathāvakaṃ . 3 Ma. Yu. suddhassa. @ 4 Yu. paviddhagocare . 5 Po. Yu. aggadantaṃ. Ma. aggaṃ dantaṃ. Atandito rattindivaṃ viharissāmi kānaneti. Vakkali thero.