TIPITAKA Volume 26 : PALI ROMAN Sutta Pitaka Vol 18 : Sutta. Khu. vimāna-petavatthu thera-therīgāthā

[349] |349.387| 3 Yassa sabrahmacārīsu gāravo nūpalabbhati parihāyati saddhammā maccho appodake yathā. |349.388| Yassa sabrahmacārīsu gāravo nūpalabbhati na virūhati saddhamme khette bījaṃva pūtikaṃ. |349.389| Yassa sabrahmacārīsu gāravo nūpalabbhati ārakā hoti nibbānā dhammarājassa sāsane. |349.390| Yassa sabrahmacārīsu gāravo upalabbhati na vihāyati saddhammā maccho bahodake 1- yathā. |349.391| Yassa sabrahmacārīsu gāravo upalabbhati so virūhati saddhamme khette bījaṃva bhaddakaṃ. |349.392| Yassa sabrahmacārīsu gāravo upalabbhati santike hoti nibbānaṃ dhammarājassa sāsaneti. Mahānāgo thero.