TIPITAKA Volume 26 : PALI ROMAN Sutta Pitaka Vol 18 : Sutta. Khu. vimāna-petavatthu thera-therīgāthā

[358] |358.441| 12 Akkodhassa kuto kodho dantassa samajīvino sammadaññā vimuttassa upasantassa tādino. |358.442| Tasseva tena pāpiyo yo kuddhaṃ paṭikujjhati kuddhaṃ appaṭikujjhanto saṅgāmaṃ jeti dujjayaṃ. |358.443| Ubhinnamatthaṃ carati attano ca parassa ca paraṃ saṅkupitaṃ ñatvā yo sato upasammati. |358.444| Ubhinnaṃ tikicchantānaṃ 2- attano ca parassa ca janā maññanti bālāti 3- ye dhammassa akovidā. |358.445| Uppajjate sace kodho āvajjaṃ kakacūpamaṃ uppajje ce rase taṇhā puttamaṃsūpamaṃ saraṃ. |358.446| Sace dhāvati cittaṃ 4- te kāmesu ca bhavesu ca @Footnote: 1 Ma. Yu. vijjiṃsu . 2 Yu. tikicchantantaṃ . 3 Yu. bāloti. @ 4 Yu. sace dhāvati te citaṃ. Khippaṃ niggayha satiyā kiṭṭhādaṃ viya duppasunti. Brahmadatto thero.