TIPITAKA Volume 26 : PALI ROMAN Sutta Pitaka Vol 18 : Sutta. Khu. vimāna-petavatthu thera-therīgāthā

[367] |367.502| 2 Akkodhano anupanāhī amāyo rittapesuṇo sa ve tādisako bhikkhu evaṃ pecca na socati. |367.503| Akkodhano anupanāhī amāyo rittapesuṇo guttadvāro sadā bhikkhu evaṃ pecca na socati. |367.504| Akkodhano anupanāhī amāyo rittapesuṇo kalyāṇasīlo yo 2- bhikkhu evaṃ pecca na socati. |367.505| Akkodhano anupanāhī amāyo rittapesuṇo kalyāṇamitto yo 2- bhikkhu evaṃ pecca na socati. |367.506| Akkodhano anupanāhī amāyo rittapesuṇo kalyāṇapañño yo 2- bhikkhu evaṃ pecca na socati. |367.507| Yassa saddhā tathāgate acalā supatiṭṭhitā @Footnote: 1 Ma. vittaparikkhayo . 2 Ma. so. Sīlañca yassa kalyāṇaṃ ariyakantaṃ pasaṃsitaṃ |367.508| saṅghe pasādo yassatthi ujubhūtañca dassanaṃ adaliddoti taṃ āhu amoghantassa jīvitaṃ. |367.509| Tasmā saddhañca sīlañca pasādaṃ dhammadassanaṃ anuyuñjetha medhāvī saraṃ buddhāna sāsananti. Sirimitto thero.