TIPITAKA Volume 26 : PALI ROMAN Sutta Pitaka Vol 18 : Sutta. Khu. vimāna-petavatthu thera-therīgāthā

[440] |440.72| 2 Mattā vaṇṇena rūpena sobhaggena yasena ca yobbanena cupatthaddhā aññā samatimaññihaṃ. |440.73| Vibhūsetvā imaṃ kāyaṃ sucittaṃ bālalāpanaṃ 2- aṭṭhāsiṃ vesidvāramhi luddo pāsamivoṭṭiyā 3- . |440.74| Pilandhanaṃ vidassentī 4- guyhaṃ pakāsitaṃ bahuṃ akāsiṃ vividhaṃ māyaṃ ujjagghantī bahuṃ janaṃ. |440.75| Sājja piṇḍaṃ caritvāna muṇḍā saṅghāṭipārutā nisinnā rukkhamūlamhi avitakkassa lābhinī. |440.76| Sabbe yogā samucchinnā ye dibbā ye ca mānusā khepetvā āsave sabbe sītibhūtamhi nibbutā. Vimalā purāṇagaṇikā.