TIPITAKA Volume 26 : PALI ROMAN Sutta Pitaka Vol 18 : Sutta. Khu. vimāna-petavatthu thera-therīgāthā

[452] 2 |452.133| Puttasokenahaṃ aṭṭā khittacittā visaññinī naggā pakiṇṇakesī ca rodaṃ 3- tena vicārihaṃ. |452.134| Vīthisaṅkārakūṭesu susāne rathiyāsu ca acariṃ tīṇi vassāni khuppipāsāsamappitā. |452.135| Athaddasāmi sugataṃ nagaraṃ mithilaṃ gataṃ adantānaṃ dametāraṃ sambuddhaṃ akutobhayaṃ. @Footnote: 1 Po. Ma. nānuññāto . 2 Yu. abbuhi. 3 Po. Ma. tena. |452.136| Saṃ cittaṃ paṭiladdhāna vanditvāna upāvisiṃ so me dhammamadesesi anukampāya gotamo. |452.137| Tassa dhammaṃ suṇitvāna pabbajiṃ anagāriyaṃ yuñjantī satthu vacane sacchākāsiṃ padaṃ sivaṃ. |452.138| Sabbe sokā samucchinnā pahīnā etadantikā pariññātā hi me vatthū yato sokāna sambhavo. Vāsiṭṭhī.