TIPITAKA Volume 26 : PALI ROMAN Sutta Pitaka Vol 18 : Sutta. Khu. vimāna-petavatthu thera-therīgāthā Therīgāthāya sattakanipāto

[459] |459.175| 1 Musalāni gahetvāna dhaññaṃ koṭṭenti māṇavā puttadārāni posentā dhanaṃ vindanti māṇavā. |459.176| Ghaṭetha buddhasāsane yaṃ katvā nānutappati khippaṃ pādāni dhovitvā ekamantaṃ nisīdatha. |459.177| Cittaṃ upaṭṭhapetvāna ekaggaṃ susamāhitaṃ paccavekkhatha saṅkhāre parato no ca attato. |459.178| Tassāhaṃ vacanaṃ sutvā paṭācārānusāsaniṃ pāde pakkhālayitvāna ekamante upāvisiṃ. @Footnote: 1 Yu. pasāremi. |459.179| Rattiyā purime yāme pubbajātimanussariṃ rattiyā majjhime yāme dibbacakkhuṃ visodhayiṃ. |459.180| Rattiyā pacchime yāme tamokkhandhaṃ padālayiṃ tevijjā atha vuṭṭhāmi 1- katā te anusāsanī. |459.181| Sakkaṃva devā tidasā saṅgāme aparājitaṃ purakkhitvā viharāmi 2- tevijjamhi anāsavā. Uttarā.