TIPITAKA Volume 26 : PALI ROMAN Sutta Pitaka Vol 18 : Sutta. Khu. vimāna-petavatthu thera-therīgāthā

[61] |61.712| 11 Mahantaṃ nāgaṃ abhiruyha sabbasetaṃ gajuttamaṃ vanā vanaṃ anupariyāsi nārīgaṇapurakkhito obhāsento disā sabbā osadhī viya tārakā |61.713| kena tetādiso vaṇṇo ... Pe ... Vaṇṇo ca te sabbadisā pabhāsatīti. |61.714| So devaputto attamano moggallānena pucchito ... Pe ... yassa kammassidaṃ phalaṃ |61.715| ahaṃ manussesu manussabhūto upāsako cakkhumato ahosiṃ pāṇātipātā virato ahosiṃ loke adinnaṃ parivajjayissaṃ @Footnote: 1 Ma. Yu. muttapupphāni . 2 Ma. Yu. mahesino . 3 Ma. Yu. abhiropesiṃ. |61.716| Amajjapo no ca musā abhāṇiṃ sakena dārena ca tuṭṭho ahosiṃ annañca pānañca pasannacitto sakkacca dānaṃ vipulaṃ adāsiṃ |61.717| tena metādiso vaṇṇo ... Pe ... Vaṇṇo ca me sabbadisā pabhāsatīti. Dutiyanāgavimānaṃ ekādasamaṃ.