TIPITAKA Volume 26 : PALI ROMAN Sutta Pitaka Vol 18 : Sutta. Khu. vimāna-petavatthu thera-therīgāthā

[316] |316.246| 10 Ahu tuyhaṃ pure saddhā sā te ajja na vijjati yaṃ tuyhaṃ tuyhamevetaṃ natthi duccaritaṃ mama. |316.247| Aniccā hi calā saddhā evaṃ diṭṭhā hi sā mayā rajjantipi virajjanti tattha kiṃ jiyyate muni. |316.248| Paccati munino bhattaṃ thokaṃ thokaṃ kule kule piṇḍikāya carissāmi atthi jaṅghabalaṃ mamāti. Sāṭimattiyo thero.