TIPITAKA Volume 26 : PALI ROMAN Sutta Pitaka Vol 18 : Sutta. Khu. vimāna-petavatthu thera-therīgāthā

[330] |330.295| 8 Ubhayeneva sampanno rāhulabhaddoti maṃ vidū yañcamhi putto buddhassa yañca dhammesu cakkhumā. |330.296| Yañca me āsavā khīṇā yañca natthi punabbhavo @Footnote: 1 Yu. ...sanditaṃ. Ma. ...bandhitaṃ. Arahā dakkhiṇeyyomhi tevijjo amataddaso. |330.297| Kāmandhā jālasañchannā 1- taṇhāchadanachāditā pamattabandhunā baddhā macchāva kumināmukhe. |330.298| Taṃ kāmaṃ ahamujjhitvā chetvā mārassa bandhanaṃ samūlaṃ taṇhaṃ abbuyha sītibhūtosmi nibbutoti. Rāhulo thero.