TIPITAKA Volume 26 : PALI ROMAN Sutta Pitaka Vol 18 : Sutta. Khu. vimāna-petavatthu thera-therīgāthā

[340] |340.340| 6 Atthāya vata me buddho nadiṃ nerañjaraṃ agā yassāhaṃ dhammaṃ sutvāna micchādiṭṭhiṃ vivajjayiṃ. |340.341| Yajiṃ uccāvace yaññe aggihutaṃ juhiṃ ahaṃ esā suddhīti maññanto andhabhūto puthujjano. |340.342| Diṭṭhigahaṇapakkhanno parāmāsena mohito asuddhiṃ maññisaṃ suddhiṃ andhabhūto aviddasu. |340.343| Micchādiṭṭhi pahīnā me bhavā sabbe padālitā 1- juhāmi dakkhiṇeyyaggiṃ namassāmi tathāgataṃ. |340.344| Mohā sabbe pahīnā me bhavataṇhā padālitā vikkhīṇo jātisaṃsāro natthidāni punabbhavoti. Nadīkassapo thero.