๗. ปัญจุโปสถิกชาดก

สองแหล่งเก็บเรื่องเดียวกันนี้ไว้ไม่ตรงกัน ที่ขีดไว้ข้างบนคือจุดที่ต่าง ข้างล่างคือคำอ่านของแต่ละฝั่ง ห้องสมุดนี้ไม่ได้ตัดสินว่าฝั่งไหนถูก — เก็บไว้ทั้งคู่ให้เห็นกับตา

อธิวาสยนฺโต @เชิงอรรถ: ๑

อธิวาสยนฺโต #๑E-Tipitaka

—

ฯ [๑๙๕๒] อหํ ปุเร คิทฺธิคโต กโปติยา ตสฺมึ ปเทสมฺหิ อุโภ ๒ รมาม อถคฺคหี สากุณิโก กโปตึ อกามโก ตาย วินา อโหสึ ฯ นานาภาวา ๓ วิปฺปโยเคน ตสฺสา มโนมยํ เวทน เวทยามิ ๔ ตสฺมา อหํโปสถ ๕ ปาลยามิ ราโค มมํ มา ปุนราคมาสิ ฯ [๑๙๕๓] อนุชฺชุคามิ อุรค ทุชิวฺห ทาฐาวุโธ โฆรวิโสสิ สปฺป ขุทฺทํ ปิปาสํ อธิวาสยนฺโต กสฺมา ภวํโปสถิโก นุ ทีฆ ๖ ฯ [๑๙๕๔] อุสโภ อหุ พลวา คามิกสฺส จลกฺกกู วณฺณพลูปปนฺโน โส มํ อกฺกมิ ตํ กุปิโต อฑํสึ ทุกฺขาภิตุนฺโน มรณํ อุปาคา ๗ ฯ ตโต ชนา นิกฺขมิตฺวาน คามา กนฺทิตฺวา โรทิตฺวา อปกฺกมึสุ ตสฺมา อหํโปสถ ปาลยามิ #๑ สี. ยุ. กโปโต ฯ ๒ ม. อสฺมึ ปเทสสฺมิมุโภ ฯ ๓ ม. นานาภวา ฯ #๔ สี. ยุ. เวทนํ เวทิยามิ ฯ ๕ ม. อหํ โปสถํ ฯ เอวมุปริปิ ฯ ๖ สี. ยุ. ทีโฆ ฯ #๗ สี. ยุ. อุปาคมิ ฯ โกโธ มมํ มา ปุนราคมาสิ ฯ [๑๙๕๕] มตาน มํสานิ พหู สุสาเน มนุญฺญรูปํ ตว โภชเนตํ ขุทฺทํ ปิปาสํ อธิวาสยนฺโต กสฺมา ภวํโปสถิโก สิคาล ๑ ฯ [๑๙๕๖] ปวิสฺส ๒ กุจฺฉึ มหโต คชสฺส กุณเป รโต หตฺถิมํเสสุ คิทฺโธ ๓ อุโณฺห จ วาโต ติขิณา จ รสฺมิโย เต โสสยุํ ตสฺส กรีสมคฺคํ ฯ กีโส จ ปณฺฑู จ อหํ ภทนฺเต น เม อหุ นิกฺขมนาย มคฺโค มหา จ เมโฆ สหสา ปวสฺสิ โส เตมยิ ตสฺส กรีสมคฺคํ ฯ ตโต อหํ นิกฺขมิสํ ภทนฺเต จนฺโท ยถา ราหุมุขา ปมุตฺโต ตสฺมา อหํโปสถ ปาลยามิ โลโภ มมํ มา ปุนราคมาสิ ฯ [๑๙๕๗] วมฺมิกถูปสฺมึ กิปิลฺลิกานิ นิปฺโปถยนฺโต ตุวํ ปุเร จราสิ ขุทฺทํ ปิปาสํ อธิวาสยนฺโต #๑ สี. ยุ. สิคาโล ฯ ๒ ม. ปวิสิ ฯ ๓ สี. ยุ. หตฺถิมํเส ปคิทฺโธ ฯ กสฺมา ภวํโปสถิโก นุ อจฺฉ ๑ ฯ [๑๙๕๘] สกํ นิเกตํ อติเหฬยาโน ๒ อตฺริจฺฉตาย มลตํ ๓ อคจฺฉึ ตโต ชนา นิกฺขมิตฺวาน คามา โกทณฺฑเกน ปริโปถยึสุ มํ ฯ โส ภินฺนสีโส รุหิรมกฺขิตงฺโค ปจฺจาคมาสึ สสกํ ๔ นิเกตํ ตสฺมา อหํโปสถ ปาลยามิ อตฺริจฺฉตา มา ปุนราคมาสิ ฯ [๑๙๕๙] ยํ โน อปุจฺฉิตฺถ ตุวํ ภทนฺเต สพฺเพว พฺยากริมฺหา ยถาปชานํ มยมฺปิ ปุจฺฉาม ตุวํ ภทนฺเต กสฺมา ภวํโปสถิโก นุ พฺรเหฺม ฯ [๑๙๖๐] อนูปลิตฺโต มม อสฺสมมฺหิ ปจฺเจกพุทฺโธ มุหุตฺตํ นิสีทิ โส มํ อเวที คติมาคติญฺจ นามญฺจ โคตฺตํ จรณญฺจ สพฺพํ ฯ เอวมฺปิหํ ๕ วนฺทิ น ตสฺส ปาเท น จาปิหํ ๖ มานคเตน ปุจฺฉึ ตสฺมา อหํโปสถ ปาลยามิ #๑ สี. ยุ. อจฺโฉ ฯ ๒ ม. อติหีฬยาโน ฯ ๓ ม. อตฺริจฺฉตา มลฺลคามํ ฯ #๔ ม. สกํ ฯ ๕ ม. เอวมฺปหํ ฯ สี. ยุ. เอวมฺปหํ นคฺคเห ฯ ๖ ม. น จาปิ นํ ฯ มาโน มมํ มา ปุนราคมาสีติ ฯ ปญฺจุโปสถิกชาตกํ สตฺตมํ ฯ ___________ ๘ มหาโมรชาตกํE-Tipitaka