ตึสตินิปาตวณฺณนา

กึฉนฺทชาตกํ

กึฉนฺโท กิมธิปฺปาโยติ อิทํ สตฺถา เชตวเน วิหรนฺโต อุโปสถกมฺมํ อารพฺภ กเถสิ ฯ

เอกทิวสํ หิ สตฺถา พหู อุปาสเก จ อุปาสิกาโย จ อุโปสถิเก ธมฺมสฺสวนตฺถาย อาคนฺตฺวา ธมฺมสภายํ นิสินฺเน อุโปสถิกตฺถ อุปาสกาติ ปุจฺฉิตฺวา อาม ภนฺเตติ วุตฺเต สาธุ โว กตํ อุโปสถํ กโรนฺเตหิ โปราณกา อุปฑฺฒุโปสถกมฺมสฺส นิสฺสนฺเทน มหนฺตํ ยสํ ปฏิลภึสูติ วตฺวา เตหิ ยาจิโต อตีตํ อาหริ ฯ