สรีรทพฺยํ วุฑฺฒพฺยํ โสชจฺจํ สาธุสีลิยํ

พฺราหฺมณนฺเต ว ปุจฺฉามิ กินฺนุ ๑- เตสํ วณิมฺหเสติ ฯ

ตตฺถ สรีรทพฺยนฺติ อาทีหิ เตสํ จตุนฺนํ วิชฺชมาเน คุเณ ปกาเสติ ฯ อยเมตฺถ อธิปฺปาโย ธีตโร เม จตฺตาโรเม ชนา ปตฺเถนฺติ, เตสุ เอกสฺส สรีรทพฺยํ อตฺถิ สรีรสมฺปทา ๒- อภิรูปภาโว สํวิชฺชติ, เอกสฺส วุฑฺฒพฺยํ วุฑฺฒภาโว มหลฺลกตา อตฺถิ, เอกสฺส โสชจฺจํ สุชาตตา ชาติสมฺปทา อตฺถิ ฯ สุชจฺจนฺติปิ ปาโฐ ฯ เอกสฺส สาธุสีลิยํ สุนฺทรสีลภาโว สีลสมฺปทา อตฺถิ ฯ พฺราหฺมณนฺเต ว ปุจฺฉามาติ เตสุ เอกสฺส นาเมตา ทาตพฺพาติ อชานนฺตา มยํ ภวนฺตํ พฺราหฺมณญฺเญว ปุจฺฉาม ฯ กินฺนุ เตสํ วณิมฺหเสติ เตสํ จตุนฺนํ ชนานํ กถํ ๓- วณิมฺหเส อิจฺฉาม, กสฺส ตา กุมาริกา ททามาติ ปุจฺฉตีติ ฯ

๒ สรีรสมฺปทายาติปิ ฯ ๓ กนฺติปิ ฯ