เอโส สมฺมสตี ธมฺมํ พุทฺธภูมิมเสสโต

เตนายํ กมฺปิตา ปฐวี ทสสหสฺสี สเทวเก"ติ.

มหาชโน ตถาคตสฺส วจนํ สุตฺวา หฏฺฐตุฏฺโฐ มาลาคนฺธวิเลปนํ อาทาย รมฺมนครา นิกฺขมิตฺวา โพธิสตฺตํ อุปสงฺกมิตฺวา มาลาทีหิ ปูเชตฺวา วนฺทิตฺวา ปทกฺขิณํ กตฺวา รมฺมนครเมว ปาวิสิ. โพธิสตฺโตปิ ทส ปารมิโย สมฺมสิตฺวา วีริยํ ทฬฺหํ กตฺวา อธิฏฺฐาย นิสินฺนาสนา วุฏฺฐาสิ. เตน วุตฺตํ:-

"พุทฺธสฺส วจนํ สุตฺวา มโน นิพฺพายิ ตาวเท