อาสีวิสมฺปิ มํ สนฺตํ ปวิฏฺฐํ กุมินามุขํ

รุจฺจเต หริตมาตา ๑- ยํ มํ ขาทนฺติ มจฺฉกาติ ฯ

ตตฺถ อาสีวิสมฺปิ มํ สนฺตนฺติ มํ อาคตวิสํ สมานํ ฯ รุจฺจเต หริตมาตา ยํ มํ ขาทนฺติ มจฺฉกาติ เอตํ ตว รุจฺจติ หริตมณฺฑุกปุตฺตาติ วทติ ฯ

อถ นํ หริตมณฺฑุโก อาม สมฺม รุจฺจติ, กึการณา, สเจ ตฺวํ หิ ตว ปเทสํ อาคเต มจฺเฉ ขาทสิ, มจฺฉาปิ อตฺตโน ปเทสํ อาคตํ ตํ ขาทนฺติ, อตฺตโน อตฺตโน วิสเย ปเทเส โคจรภูมิยํ อพลํ นาม นตฺถีติ วตฺวา ทุติยํ คาถมาห